lundi 20 octobre 2014

வெள்ளையாக ஆசையா?ஏழே நாட்களில்

facemaskஅனைவருக்குமே நன்கு வெள்ளையாகவும், அழகாகவும் மாற வேண்டுமென்ற ஆசை இருக்கும். அதற்காக கடைகளில் விற்கும் நிறைய அழகுப் பொருட்களை வாங்கிப் பயன்படுத்துவார்கள். ஆனால் எந்த பலனும் இருக்காது. அவ்வாறு பாக்கெட்டில் இருக்கும் பணத்தை செலவழித்து, கெமிக்கல் கலந்த அழகுப் பொருட்களை வாங்கிப் பயன்படுத்துவதை விட, ஒருசில இயற்கை முறைகளை பின்பற்றினால், சருமம் அழகாக இருப்பதோடு, ஆரோக்கியமானதாகவும் இருக்கும். என்ன இயற்கை முறைகள் என்று கேட்கலாம். அது வேறொன்றும் இல்லை, முகத்தை கழுவுதல், ஃபேஸ் பேக் போடுதல், நிறைய தண்ணீர் குடித்தல், ஆரோக்கியமான உணவுகளை சாப்பிடுதல், உடற்பயிற்சிகளை பின்பற்றுதல் என்று பல உள்ளன. அதுமட்டுமின்றி, சருமம் கருப்பாக மாறக்கூடாதெனில், ஒருசில செயல்களை தினமும் செய்து வர வேண்டும். அத்தகைய செயல்கள் என்னவென்று கொடுத்துள்ளோம். அதைப் படித்து தினமும் செய்து வந்தால், நாளடைவில் ஒரு நல்ல பலனைப் பெறலாம். அதிலும் இத்தகைய செயல்களை பின்பற்றினால், 7 நாட்களிலேயே ஒரு நல்ல வித்தியாசம் சருமத்தில் தெரியும். சரி, அது என்னவென்று பார்ப்போமா!!!        முகத்தை கழுவுதல்
aloeveraஃபேஸ் பேக்
எலுமிச்சை
பழங்கள்
சூரியக்கதிர்களின் தாக்கத்தை தவிர்க்கவும்
தொப்பி அணியவும்
ஸ்கரப்
தயிர் மசாஜ்
கிளின்சிங்

கற்றாழை ஒரு சிறந்த கிளின்சிங் பொருள். எனவே கற்றாழையின் ஜெல்லை முகத்திற்கு தடவி மசாஜ் செய்து, காய வைத்து கழுவினால், முகத்தில் உள்ள அழுக்குகள் அனைத்து நீங்கி, முகம் பளிச்சென்று புத்துணர்ச்சியுடன் காணப்படும்.

தண்ணீர் குடிக்கவும்

water
தினமும் அதிகப்படியான தண்ணீர் குடிக்க வேண்டும். இதனால் உடலில் உள்ள நச்சுக்கள் அனைத்தும் வெளியேறி சருமம் மின்ன ஆரம்பிக்கு

உடற்பயிற்சி

exercise
முகத்தில் ஒரு நல்ல பொலிவு வரவேண்டுமெனில், மேற்கூறியவற்றுடன் தினமும் காலையில் எழுந்து லேசான உடற்பயிற்சிகளை தவறாமல் மேற்கொண்டால், உடலில் இரத்த ஓட்டம் அதிகரித்து, முகத்தில் உள்ள சோர்வு நீங்கி, இயற்கையாகவே முகம் அழகாக இருக்கும்.

சிங்களர், தமிழர் வாக்குவாதத்தை பவுத்தர், இந்து மோதலாக மாற்றினார்.அறிவுஜீவிகளும் தாக்கப்படுகின்றனர்.

ms_2163694fஇலங்கை
இலங்கையிலும் அரசியல் மோதலானது மத அடிப்படையில் அல்லாமல் மொழி அடிப்படையில்தான் தொடங்கியது. தெற்கில் வாழ்ந்த சிங்களர்கள், வடக்கில் வாழ்ந்த தமிழர்களின் பொருளாதார வளத்தைக் கண்டு அஞ்சினார்கள். எனவே, சிங்களம் தெரிந்தால்தான் கல்லூரியில் படிக்க முடியும்; அரசு வேலையில் சேர முடியும் என்று கட்டாயப் படுத்தினார்கள். இதுவே, தமிழர், சிங்களர் மோதலுக்கான மூல காரணம்.
இந்த மோதல் உச்சத்தில் இருந்தபோது 1972-ல் இலங்கை அரசின் தேசிய மதமாக பவுத்தம் அறிவிக்கப் பட்டது. தமிழர்களில் இந்துக்கள், முஸ்லிம்கள், கிறிஸ் தவர்கள் இருந்தனர், பவுத்தர்கள் யாருமில்லை. மதப் பேரினவாதம் மொழிப் பேரினவாதமாகியது. இலங்கை ராணுவத்துக்கு சிங்கள பவுத்த சன்யாசிகள் ஆதரவாளர்களாக மாறினார்கள். தமிழர்களைக் கடுமை யாக ஒடுக்குமாறு தூண்டினர். 2009 போருக்குப் பிறகு எதேச்சாதிகார அதிபர் மகிந்த ராஜபக்சவுக்கு ஆதரவாளர் களாகினர், சிங்கள பவுத்தத் துறவிகள். இந்த ஆண்டின் தொடக்கத்தில் இலங்கையின் கிழக்குப் பகுதியில் முஸ்லிம்களைக் கடுமையாகத் தாக்கினார்கள் பவுத்தர்கள்.
தமிழ் ஈழ விடுதலைப் புலிகள் சகிப்புத்தன்மை மிக்க வர்கள் அல்ல. அவர்களும் யாழ்ப்பாணம், மன்னார், மட்டக்களப்பு ஆகிய ஊர்களில் முஸ்லிம்களையும் அவர்களுடைய வீடுகளையும் மசூதிகளையும் தாக்கினர். தமிழ் கிறிஸ்தவர்களும் அலைக்கழிக்கப்பட்டனர். சிங்களர், தமிழர் வாக்குவாதத்தை பவுத்தர், இந்து மோதலாக விடுதலைப் புலிகள் மாற்றினார்கள்.
பூடான்
சார்க் நாடுகளிலேயே பூடான்தான் அமைதியான, இயற்கை அழகு நிறைந்த நாடு. ஆனால், பவுத்த அடை யாளத்தைத் தக்கவைத்துக்கொள்வதற்காக அந்த நாடும் 1990-களில் ஏராளமான இந்துக் குடும்பங்களைத் தங்கள் நாட்டிலிருந்து நேபாளத்துக்கு விரட்டியது பலருக்கும் தெரியாது.
நேபாளம்
19-வது, 20-வது நூற்றாண்டுகள் முழுக்க நேபாளம் இந்து நாடாகவே திகழ்ந்தது. அந்நாட்டு மன்னர், பூவுலகில் விஷ்ணுவின் பிரதிநிதியாகவே கருதப்பட்டார். 2008-ல் மன்னராட்சி முறை கைவிடப்பட்டு மதச்சார்பற்ற குடியரசு நாடாகியது நேபாளம். தெற்காசிய நாடுகளிலேயே மத மோதல்கள் மிகக் குறைவாக நடந்தது நேபாளத்தில்தான். சில சந்தர்ப்பங்களில் முஸ்லிம்கள் தாக்கப்பட்டுள்ளனர். ஆனால், அங்கு நிலஉடைமையாளர்களுக்கும் நிலமற்றவர்களுக்கும் இடையே, மலைப் பிரதேசங்களைச் சேர்ந்தவர்களுக்கும் சமவெளி மக்களுக்கும் இடையே, பிராமணர்களுக்கும் பிராமணர் அல்லாதாருக்கும் இடையேதான் மோதல்கள் நடைபெறும்.
தெற்காசியாவில் இந்தியாவும் இலங்கையும் தேர்ந்தெடுக்கப்பட்ட அரசுகளைக் கொண்ட ஜனநாயக நாடுகளாக வெகுகாலம் திகழ்ந்தன. இப்போது பாகிஸ்தான், வங்கதேசம், நேபாளமும் அந்த வரிசையில் சேர்ந்திருக்கின்றன. பூடானில்கூட தேர்தல் நடந்திருக்கிறது. முதல்முறையாக சார்க் அமைப்பின் எல்லா நாடுகளிலும் தேர்ந்தெடுக்கப்பட்ட அரசுகள்தான் பதவியில் இருக்கின்றன.
தேர்ந்தெடுக்கப்பட்ட அரசுகள் இருப்பதாலேயே மக்களிடையே சமத்துவம் ஏற்பட்டுவிடவில்லை. வறுமை யும் ஏற்றத்தாழ்வும் பெரிதாக இருக்கிறது. மொழி, மதம் ஆகிய காரணங்களாலும் மக்களிடையே வேறுபாடு காட்டப்படுகிறது. பாகிஸ்தானில் ஒரு இந்துவாகவோ கிறிஸ்தவராகவோ ஷியாவாகவோ இருப்பதும், இலங்கையில் இந்துவாகவோ முஸ்லிமாகவோ இருப் பதும், வங்கதேசத்தில் இந்துவாகவோ பவுத்தராகவோ இருப்பதும், இந்தியா, நேபாளத்தில் முஸ்லிமாக இருப்பதும் சிரமம்தான்.
இந்தியா, பாகிஸ்தான், இலங்கை போன்ற நாடுகள் தங்கள் சிறுபான்மையினரை எப்படி நடத்துகின்றன?
‘சார்க்’ (தெற்காசிய பிராந்திய ஒத்துழைப்பு மாநாடு) அமைப்பின் உறுப்பு நாடுகளில் பரப்பளவு, மக்கள்தொகை, மொத்த தேசிய உற்பத்தி மதிப்பு ஆகியவற்றில் இந்தியாதான் மிகப் பெரிய நாடு. ஏனைய நாடுகளைவிட சிறப்பானதொரு அம்சமும் இந்தியாவிடம் இருக்கிறது; குறிப்பிட்ட எந்த ஒரு மதத்துடனும் இந்தியா தன்னை அடையாளப்படுத்திக்கொள்ளவில்லை என்பதுதான் அது.
பூடான், இலங்கை ஆகிய இரண்டுக்குமே பவுத்தம்தான் அதிகாரபூர்வ மதம். பாகிஸ்தான், இஸ்லாமியக் குடியரசு. மாலத்தீவில் சன்னி முஸ்லிம் பிரிவுதான் அதிகாரபூர்வ மதம். 2008 வரையில் நேபாளம் இந்து நாடாக இருந்தது. 1971-ல் உதயமான வங்கதேசம் மதச்சார்பற்ற குடியரசு நாடாக இருந்தது. 1980-களில் ஜெனரல் எர்ஷாத் அதிபராக இருந்தபோது, அதன் அரசியல் சட்டம் திருத்தப்பட்டு இஸ்லாத்துக்கு உரிமைமிக்க தனியிடம் கிடைத்தது. இந்த நாடுகளைப் போல அல்லாமல் இதுவரை இந்தியா மதச்சார்பற்ற நாடாகவே திகழ்கிறது.
ஆனால், நம்முடைய அரசியல் சட்டம் மதச்சார்பற்ற தன்மையைப் பறைசாற்றினாலும் மத அடிப்படையிலான பேரினவாதம் அசிங்கமான தனது முகத்தை அடிக்கடி காட்டிக்கொண்டிருக்கிறது. 1950-களில் சற்று அமைதி நிலவியது. பிறகு, ஜபல்பூரில் நடந்த இந்து, முஸ்லிம் கலவரத்தால் அது குலைந்தது. 1960-களிலும் 1970-களிலும் உத்தரப் பிரதேசம், பிஹார், குஜராத், மகாராஷ்டிரம் ஆகிய மாநிலங்களில் மதங்களுக்கு இடையிலான வன்முறை மோதல்கள் தொடர்ந்தன.
1984-ல் டெல்லியிலும் சில வட இந்திய நகரங்களிலும் இந்திரா காந்தி படுகொலையையொட்டி சீக்கியர்கள் வெட்டிச்சாய்க்கப்பட்டனர். 1990-களில் காஷ்மீர் பள்ளத்தாக்கில் வாழ்ந்த இந்துக்களில் பெரும்பாலான
வர்களை மதஅடிப்படைவாதிகள் தாக்கி வெளியேற்றினர். ராமஜன்ம பூமி இயக்கத்தால் 1980-களிலும் 1990-களிலும் பலர் பலிவாங்கப்பட்டனர். இவற்றின் தொடர்ச்சியாக இந்தியாவின் வடக்கிலும் மேற்கிலும் கலவரங்கள் ஏற்பட்டன. அவற்றில் அதிகம் பாதிக்கப்பட்டவர்கள் அப்பாவி முஸ்லிம்களே. 2002-ல் குஜராத்தில் இந்து அடிப் படைவாதிகள் ஆயிரத்துக்கும் மேற்பட்ட முஸ்லிம்களைக் கொன்றனர், ஆயிரக் கணக்கானவர்கள் வீடிழந்தனர்.
ஆர்எஸ்எஸ் செல்வாக்கு
இந்தியாவின் பல பகுதிகளில் முஸ்லிம்கள் இப்போதும் பாதுகாப்பற்றவர்களாகவும் தாக்குதலுக்கு ஆளாகிறவர்களாகவும் இருக்கின்றனர். இந்த நிலைமை வெகுவிரைவில் மாறிவிடாது.
பாரதிய ஜனதா ஆட்சியில் இருக்கும்போதெல்லாம் பலமடங்கு செல்வாக்கைப் பெருக்கிக்கொள்ளும் ஆர்எஸ்எஸ் இயக்கம், இந்து மதவாத அரசை ஏற்படுத்திவிட வேண்டும் என்று துடிக்கிறது.
அந்த இயக்கத்தின் தலைவர், பாஜகவைச் சேர்ந்த சில அமைச்சர்கள், நாடாளுமன்ற உறுப்பினர்கள் ஆகியோரின் சமீபத்திய பேச்சுகளில், இந்து பேரினவாத ஆதிக்க உணர்வு வெளிப்படுகிறது. வலதுசாரி இந்துத்துவக் கட்சியின் ஆதிக்கம் காரணமாக இந்திய அரசியல், சமூக வாழ்க்கை ஆகியவற்றின் இயற்கைத் தன்மையே மாறி, மதச்சகிப்புத்தன்மை, பன்மைத் தன்மை ஆகியவற்றிலிருந்து வெகுதூரம் விலகிச் சென்று கொண்டிருக்கிறது.
பாகிஸ்தான்
இந்தியா தனது மதச் சிறுபான்மையோரை நடத்துவது இருவிதமாகவும் இருக்கிறது. ஆனால், பாகிஸ்தானோடு ஒப்பிடும்போது இங்குள்ள நிலை பரவாயில்லை. இந்தியாவில் அரசுக்கும் மத நம்பிக்கைகளுக்கும் இடையே இடைவெளி இருக்கிறது. பாகிஸ்தானில் அரசே இஸ்லாமியத் தன்மையோடு திகழ்கிறது. அங்குள்ள சிறுபான்மையினத்தவருக்குத் தங்களுடைய இடம் எது என்று தெரியும்; முன்பு, அவர்கள் திட்டமிட்டு வேட்டையாடப்பட்டதில்லை. ஆனால், பாகிஸ்தானில் (1977-88) அதிபர் ஜியா உல் ஹக் பதவிக் காலத்தில் இஸ்லாமியமயமாதல் விரைவுபெற்றது. ஷரியத் சட்டம் தேசியச் சட்டமானது. சிறுபான்மைச் சமூக மக்களின் வாயை அடைக்க அவர்கள் மீது மதநிந்தனை வழக்குகள் போடப்பட்டன. அகமதியர்கள் இஸ்லாமியர் அல்லாதோராக அறிவிக்கப்பட்டனர். வஹாபிய பாணியில் இஸ்லாத்தைப் போதிக்கும் ஏராளமான மதரசாக்கள் வளைகுடா நாடுகளிலிருந்து கிடைத்த நன்கொடைகள் மூலம் தொடங்கப்பட்டன. சன்னி முஸ்லிம்கள் முதலில் இந்துக்கள், கிறிஸ்தவர்களைக் குறிவைத்தனர். எண்ணிக் கையில் குறைவாக இருந்ததால், அவர்கள் எளிதாக அடக்கப்பட்டனர். பிறகு, அவர்களுடைய கவனம் ஷியாக்கள் மீது சென்றது. ஒருகாலத்தில் ஷியாக்களும் அரசியலிலும் தொழிலிலும் ஆதிக்கம் செலுத்தினர். முகம்மது அலி ஜின்னாவே ஷியாதான். சமீப காலமாக ஷியாக்களின் வழிபாட்டிடங்களும் குடியிருப்புகளும் மூர்க்கத்தனமாகத் தாக்கப்படுகின்றன. இந்துக்களையும் கிறிஸ்தவர்களையும் இரண்டாந்தரக் குடிமக்களாக நடத்தக் கூடாது என்று நம்பும் அரசியல் தலைவர்கள், அறிவுஜீவிகளும் தாக்கப்படுகின்றனர்.
கிழக்கு பாகிஸ்தான்
நாடு சுதந்திரம் பெற்றபோது மேற்கு பாகிஸ்தானைவிட கிழக்கு பாகிஸ்தானில் இந்துக்கள் அதிக எண்ணிக்கையில் இருந்தனர். 1950-களில் இந்துக்கள் தொடர்ச்சியாக இந்தியாவில் குடியேறினார்கள். காஷ்மீர் தலைநகர் ஸ்ரீநகரில் ஹஸ்ரத் பால் மசூதியில், நபிகளின் ‘நினைவுப் பொருள்’ காணாமல் போனதாகச் செய்திகள் வந்தவுடன், கிழக்கு பாகிஸ்தானில் இந்துக்கள் தாக்கப்பட்டனர். மீண்டும் பெரும் எண்ணிக்கையில் இந்துக்கள் அங்கிருந்து இந்தியாவுக்கு ஓடிவந்தனர். அப்படியிருந்தும் வங்கதேச விடுதலைப் போரின்போது 1971-ல் ஏராளமான இந்துக்கள் வங்கதேசத்திலேயே வாழ்ந்தனர். வங்கதேச விடுதலை மத அடிப்படையில் அல்லாமல் மொழி அடிப் படையிலானது என்பதால், இந்துக்களும் ஆயுதம் ஏந்திப் போராடினர்.
வங்கதேசம் பிறந்தபோது மதச்சார்பற்ற நாடாகத்தான் இருந்தது. ரவீந்திரநாத் தாகூரின் பாடலையே தேசிய கீதமாக ஏற்றது. சுதந்திரம் அடைந்த பிறகு 40 ஆண்டுகளாக அங்கு இஸ்லாமியமயமாதல் மெதுவாக நடந்தேறியது. சமீபத்திய காலத்தில் அது வன்செயல்களுடன், பாகிஸ் தானைப் போலவே அரங்கேறுகிறது.
- ராமச்சந்திர குஹா, ‘இந்தியா ஆஃப்டர் காந்தி’ உள்ளிட்ட வரலாற்று நூல்களின் ஆசிரியர்;
தமிழில்: சாரி

இலங்கை நீர்மின் உற்பத்தி 61 சதவீதத்தால் உயர்வு

The-Inguri-Damkநீர் மின் உற்பத்தி நிலையங்களை அண்மித்த நீர்த்தேக்கங்களின் நீர்மட்டம் 61 வீதம் வரை உயர்வடைந்துள்ளதாக இலங்கை மின்சார சபை தெரிவித்துள்ளது.
உற்பத்தி செய்யப்படும் மொத்த மின் உற்பத்தியில் 40 வீதம் நீர் மின் உற்பத்தி என இலங்கை மின்சார சபையின் ஊடகப் பேச்சாளர், பொது முகாமையாளர்  செனஜின் தசாநாயக்கா குறிப்பிட்டுள்ளார்.
நிலவும் மழையுடன் கூடிய  வானிலைக் காரணமாக நீர்த்தேக்கங்களின் நீர்மட்டம் அதிகரித்துள்ளதாகவும் அவர் கூறியுள்ளார்.

மரண அச்சுறுத்தல் மகிந்த குடும்பத்தை விமர்சிப்பதால்;ரஞ்சன் ராமநாயக்க

'ஜனாதிபதி குடும்பத்துடன் தனிப்பட்ட பிரச்சனை இல்லை': ரஞ்சன் ராமநாயக்க
இலங்கை ஜனாதிபதி மகிந்த ராஜபக்ஷவை தொலைக்காட்சி விவாத நிகழ்ச்சிகளில் விமர்சிக்கின்ற காரணத்திற்காக அரசாங்க அமைச்சர்கள் சிலரிடமிருந்து தனக்கு மரண அச்சுறுத்தல் விடுக்கப்பட்டுவருவதாக எதிர்க்கட்சி நாடாளுமன்ற உறுப்பினர் ரஞ்சன் ராமநாயக்க பிபிசியிடம் கூறியுள்ளார்.
ஆனால், அவரது குற்றச்சாட்டை அமைச்சர் ஜொன்ஸ்டன் பெர்னாண்டோ மறுக்கின்றார்.
இலங்கையில் எப்போது வேண்டுமானாலும் ஜனாதிபதி தேர்தல் நடத்தப்படலாம் என்றும், அதில் மூன்றாவது தவணைக்காக ஜனாதிபதி மகிந்த ராஜபக்ஷ போட்டியிடுவார் என்றும் அரசியல் மேடைகளில் கருத்துக்கள் வெளியாகிவருகின்ற சூழ்நிலையில், ஆளுங்கட்சி எதிர்க்கட்சி அரசியல் தலைவர்களும் காரசாரமான விவாதங்களில் கலந்துகொண்டுவருகின்றனர்.
இந்த சூழ்நிலையில், தன்னைக் கொல்ல சதித்திட்டங்கள் தீட்டப்படுவதாகவும் தொலைபேசியில் மரண அச்சுறுத்தல்கள் விடுக்கப்பட்டுவருவதாகவும் ஐக்கிய தேசியக் கட்சி நாடாளுமன்ற உறுப்பினர் ரஞ்சன் ராமநாயக்க கூறியுள்ளார்.
தனியார் தொலைக்காட்சி ஒன்றில் கடந்த வெள்ளியன்று நடந்த நேரடி அரசியல் நிகழ்ச்சி ஒன்றில் ஐதேக நாடாளுமன்ற உறுப்பினர் ரஞ்சன் ராமநாயக்கவும் ஜேவிபி நாடாளுமன்ற உறுப்பினர் விஜித்த ஹேரத்தும், அரசாங்கத் தரப்பில் அமைச்சர் ரோஹித்த அபேகுணவர்தனவும் அமைச்சர் ஜொன்ஸ்டன் பெர்னாண்டோவும் கலந்துகொண்டிருந்தனர்.

'ஜனாதிபதி குடும்பத்தின் மீது ரஞ்சன் சேறு பூசுகின்றார்': அமைச்சர் ஜொன்ஸ்டன் பெர்னாண்டோ
இந்த அரசியல் நிகழ்ச்சியின்போது, குறித்த அமைச்சர்கள் தன்னை அச்சுறுத்தி இழிவாகப் பேசியதாகக் கூறுகின்ற ரஞ்சன் ராமநாயக்க, அந்த நிகழ்ச்சியை வெளியில் ஓரிடத்திலிருந்து தொலைக்காட்சியில் பார்த்துக்கொண்டிருந்த வேறு சில அமைச்சர்களும் அடியாட்களுடன் தன்னைத் தாக்க திட்டமிட்டுக் கொண்டிருந்ததாகவும் குற்றம் சாட்டுகின்றார்.
தன்னை இந்த அரசியல் நிகழ்ச்சிக்கு வரவழைத்து, கொலைசெய்யும் திட்டம் தீட்டப்பட்டிருப்பதாக தான் நிகழ்ச்சியில் கலந்துகொண்டிருந்தபோதே நம்பகமான தொலைபேசி குறுஞ்செய்திகள் வந்திருந்ததாக ரஞ்சன் ராமநாயக்க பிபிசியிடம் கூறினார். 'இந்த அரசியல் நிகழ்ச்சிக்கு சம்பந்தமில்லாத நாடாளுமன்ற உறுப்பினர்கள், மாகாணசபை உறுப்பினர்கள் உள்ளிட்ட கும்பல் ஒன்று நான் இருக்கும் இடம்நோக்கி வருகிறார்கள் என்று எனது மெய்க்காவல் ஊழியர்களும் கூறினார்கள்' என்றார் ரஞ்சன் ராமநாயக்க.
'ஜனாதிபதியுடனோ, அவரது மகன்மாருடனோ அல்லது குடும்பத்தினருடனோ எனக்குத் தனிப்பட்ட ரீதியில் பிரச்சனைகள் இல்லை. ஒரு எதிர்க்கட்சி நாடாளுமன்ற உறுப்பினருக்கு உள்ள கடமையின் படி மக்களுக்கு தெளிவூட்டுகின்றேன். ஆனால் அதற்காக என்னை தனிப்பட்ட ரீதியில் தாக்குவதோ அல்லது கொலைசெய்வதோ தவறு' என்றும் ரஞ்சன் ராமநாயக்க பிபிசியிடம் கூறினார்.
'ஜனாதிபதி மீதும் அவரது குடும்பம் மீதும் சேறு பூசினார்'
ஜனாதிபதியின் குடும்பத்தினர் மீது குற்றம் சாட்டிய காரணத்தினால், அதனைப் பொறுத்துக்கொள்ள முடியாத நாடாளுமன்ற உறுப்பினர்கள் சிலர், ஜனாதிபதியின் அலரி மாளிகையிலிருந்து குறித்த தொலைக்காட்சி நிலைய கட்டடத்தை நோக்கி விரைந்து வந்ததாக உள்ளூர் நாளிதழ் ஒன்றில் செய்தி வெளியாகியிருப்பதையும் ரஞ்சன் ராமநாயக்க சுட்டிக்காட்டினார்.

மூன்றாவது தடவையும் ஜனாதிபதி தேர்தலில் மகிந்த ராஜபக்ஷ போட்டியிடுவார் என்று அரசாங்கத் தரப்பினர் கூறிவருகின்றனர்
ஆனால், தொலைக்காட்சி விவாதத்தில் தோல்வியடைந்த காரணத்தினால் ரஞ்சன் ராமநாயக்க வெட்கத்தை மறைக்க சொல்லுகின்ற குற்றச்சாட்டுக்கள் இவை என்று அமைச்சர் ஜொன்ஸ்டன் பெர்னாண்டோ பிபிசியிடம் கூறினார்.
இந்த நிகழ்ச்சியில் சம்பந்தப்படாத நாடாளுமன்ற உறுப்பினர்கள் சிலர், அங்கு விரைந்து வந்ததாக நாளிதழ் ஒன்றில் செய்தி வெளியாகியுள்ளமை பற்றி பிபிசி அவரிடம் கேட்டது. 'ஜனாதிபதி மீதும் அவரது பிள்ளைகள் மீதும் எந்தவிதமான ஆதாரங்களும் இன்றி அவர் சேறு பூசினார். எந்தவிதமான ஆவணங்களும் இல்லாமல், யாரோ அனுப்புகின்ற எஸ்எம்எஸ்களை பார்த்துபார்த்து அவர் பேசிக்கொண்டிருந்தார்' என்றார் அமைச்சர்.
குறித்த தொலைக்காட்சி விவாதத்தின்போது, ரஞ்சன் ராமநாயக்க தன்மீது அநாவசியமாக பொய்க்குற்றச்சாட்டுக்களை சுமத்தியதால் நாடாளுமன்ற உறுப்பினர் அருந்திக பெர்னாண்டோ அங்கு பார்க்க வந்திருக்கலாம் என்றும் ஜொன்ஸ்டன் பெர்னாண்டோ கூறினார்.
'நாடாளுமன்ற உறுப்பினர் அருந்திக பெர்னாண்டோ என்னிடமும் வந்து பேசிவிட்டுத் தான் சென்றார். இவரைக் கொலை செய்வதற்காக அவர் இங்கு வரவில்லை' என்றும் அமைச்சர் தெரிவித்தார்.

dimanche 19 octobre 2014

சிவகுமாரன் போட்ட விதை - பிரபாகரன் வைத்த குறி

தியாகராசாவின் புத்தி
கொழும்பில் வைத்து தன்னைக் கொலை செய்யும் துணிச்சல் தமிழ் இளைஞர்களalfred duraipahுக்கு ஏற்படாது என்று தான் வட்டுக்கோட்டை பா.உ.தியாகராசா நினைத்திருந்தார்.
அதனால் தான் முன் பின் அறிமுகமில்லாத இரு இளைஞர்கள் பத்திரிகை ஒன்றின் பெயரைச் சொல்லி பேட்டி கேட்டபோது சந்திக்கச் சம்மதித்தார். ஆனாலும் முதல் அனுபவம் என்பதால்  இளைஞர்கள் இருவரதும் நடவடிக்கைகளில் தியாகராசாவுக்கு சந்தேகம் ஏற்பட்டு விட்டது.
கதவருகில் நின்ற இளைஞர் கைத்துப்பாக்கியை உருவிக்கொண்டதைக் கண்ட தியாகராசா உசாராகிவிட்டார்.
மரண தூதன் எதிரே நிற்கும் உணர்வில் எப்படியாவது தப்பித்தாகவேண்டுமே என்று உள் மனம் உந்த தரை நோக்கி குனிந்தார்.அச்சமயம் கதவருகில் நின்ற இளைஞரோ தியாகராசாவின் அருகில் நின்ற தனது சகாவான இளைஞரை “ திசை இங்கே வா|| என்று அவசரமாக குரல் கொடுத்தார்.
பயிற்சியும் இல்லை. கைத்துப்பாக்கியும் உள்ளுர் தயாரிப்பு. வெடிக்கலாம். ரவையைத் துப்பாமலும் அடம்பிடிக்கலாம் தவிர, தான் சுடுவது தப்பித்தவறி சகாவுக்கும் பட்டுத் தொலைத்துவிடலாம் என்ற பயம் வேறு.
~திசை’என்று அழைக்கப்பட்ட இளைஞர் கதவை நோக்கி ஓட, கதவருகில் நின்ற இளைஞர்  தியாகராசாவை குறி வைத்து விசையை அமுக்க அதே தருணத்தில் தரையை நோக்கி குனிந்த தியாகராசா அபயக்குரல் எழுப்பியபடி தரைவிரிப்பின் முனையில் பிடித்து இழுத்தார்.
தியாகராசா குனிந்ததும் தரைவிரிப்பு இழுக்கப்பட்டதால் அதன் மறுமுனையில் நின்ற இளைஞர் தனது சமநிலை தவறிய நிலையில் சுட நேர்ந்ததும் குறி தவறக் காரணமாயின.
துப்பாக்கி ரவை சுவரில் பாய்ந்தது. திட்டம் தோல்வியாகிவிட்டதை உணர்ந்து இரு இளைஞர்களும் தப்பி ஓடினார்கள்.
அவர்கள் இருவரும் தனியார் வாகனம் ஒன்றை வாடகைக்கு அமர்த்தியே வந்திருந்தனர்.
வெடிச்சத்தமும் அபயக்குரலும் சிங்களவரான வாகனச்சாரதிக்கு விபரீதத்தை தெரியப்படுத்திவிட ஓடி வந்த இளைஞர்களைக் கண்டதும் வாகனச் சாவியை வீசி எறிந்துவிட்டு சாரதி ஓடிவிட்டார்.
பின்னர் எப்படியோ இரு இளைஞர்களும் தப்பிக் கொண்டார்கள்.
ஒருவர் திசைவீரசிங்கம். மற்றவர் ஜீவன் அல்லது ஜீவராசா.
அவர்களைத் திட்டத்தோடு அனுப்பி வைத்தது தமிழ் மாணவர் பேரவைத் தலைவர் பொன்.சத்தியசீலன். இந்த மூவரும் இப்போது வெளிநாட்டில் உள்ளனர்.
அனுப்பி வைப்பார் வரமாட்டார்
சத்தியசீலன் பற்றி அவரோடு இருந்தவர்கள் சொல்லும் விமர்சனம் இது. “அவர் யாரைச் சுடவேண்டும் என்று சொல்லி  அனுப்பி வைப்பார். எந்த நடவடிக்கையிலும் தான் மட்டும் பங்கு கொள்ளமாட்டார். பொலிசார் விசாரிக்கும்போது ஆதியோடு அந்தம் வரை சொல்லிவிடுவார்.
~சிறை மீண்டு செம்மல்’ என்று அழைக்கப்பட்ட சத்தியசீலன் ஜெர்மனுக்கு கொள்ளை விளக்கம் அளிக்க அழைப்பு வந்துள்ளதாகக் கூறிச் சென்றவர் தான் திரும்பி வரவே இல்லை.
கூட்டணித் தலைவர்களால் உணர்ச்சிகரமாகத் தூண்டிவிடப்பட்ட ~துரோகி ஒழிப்பு’ படலத்தில் முதலில் குறிவைக்கப்பட்ட அரசியல்வாதியான தியாகராசா தப்பிக் கொண்டார். (பின்னர் 1981 ஆம் ஆண்டு இவர் வட்டுக்கோட்டையில் வைத்து சுட்டுக்கொல்லப்பட்டார். புளொட் அமைப்பே கொலைக்கு காரணம் என்று நம்பப்பட்டது)
அவர் 1977 ஆம் ஆண்டு தேர்தலில் மக்களால் நிராகரிக்கப்பட்டார் என்பதும் குறிப்பிடத்தக்கது
தியாகராசா உயிர்தப்பியபோதும் ஸ்ரீலங்கா சுதந்திரக்கட்சி ஆதரவாளர்கள் மற்றும் அருளம்பலம், சி.எக்ஸ்.மார்ட்டின், குமாரசூரியர், ராஜன் செல்வநாயகம் போன்ற பா.உ.க்களும் யாழ்.மேயர் அல்பிரட் துரையப்பாவும் தமக்கு குறிவைக்கப்படலாம் என்று உணர்ந்தேயிருந்தனர்.
ஆனாலும் தமிழர் விடுதலைக் கூட்டணித் தலைவர்களால் யார் கடுமையாக வசைபாடப்படுகிறார்களோ அவர்களே உடன் ஒழிக்கப்படவேண்டியவர்கள் பட்டியலில் முதலிடம் பெறுவார்கள்.
துரையப்பாவின் இரு பக்கங்கள்
யாழ்.மேயராக இருந்த அல்பிரட் துரையப்பாவுக்கு இரு பக்கங்கள் உண்டு.
தமிழ் பேசும் மக்களது அரசியல் அபிலாசைகள் பற்றிய கோரிக்கைகளை அவர் அலட்சியம் செய்தார்.
அதன் மூலமாக தமிழர்களுக்கு எதிரானவராக தான் சித்தரிக்கப்படுவதையிட்டு அவர் அதிகம் அலட்டிக்கொள்ளவில்லை.
திருமதி ஸ்ரீமாவோ பண்டாரநாயக்கா அப்போது பிரதமராக இருந்தார். அவரிடம் தனது சொல்லுக்கு மதிப்பு இருப்பதாகக் காட்டிக் கொள்வதில் அவர் கவனம் செலுத்தினார்.
இது அவரது ஒரு பக்கம்.
யாழ்.நகரை அழகுபடுத்துவது, நவீனப்படுத்துவது என்பவற்றில் தனக்கு முன்னும் பின்னும் வந்த நகர முதல்வர்களை விட துரையப்பாவே ஆர்வத்தோடு செயற்பட்டார்.
யாழ்.நகரில் வள்ளுவருக்கும் ஒளவையாருக்கும் சிலைகள் நிறுவினார்.
யாழ்.நகரில் உள்ள நவீன சந்தைக் கட்டிடம் துரையப்பாவின் முயற்சியால் உருவாக்கப்பட்டதாகும்.
யாழ்.நகரில் நவீன விளையாட்டரங்கும் உருவாக்கப்படவும் துரையப்பாவே ஏற்பாடு செய்தார்.
கூட்டுறவுச் சங்கங்களில் துரையப்பாவின் மூலமாக நூற்றுக்கணக்கானோர் வேலைவாய்ப்புப் பெற்றார்கள். இது அவரது மறுபக்கம்.
ஆனால் இவற்றையெல்லாம் தமிழர் விடுதலைக் கூட்டணியினர் கேலி செய்தனர்.
சோறா சுதந்திரமா?
“தன்மானத் தமிழனுக்கு சோற்றை விட சுதந்திரமே முக்கியம்.||
“தமிழ்ஈழம் கிடைத்த பின்னர் நவீன சந்தைகளை நாமே உருவாக்கிக் கொள்ளலாம்|| என்றனர்.
“கூப்பன் கள்ளன்|| என்றும்  அவர் கேலி செய்யப்பட்டார்.
இதற்கிடையே இளைஞர்களுக்கு துரையப்பா மீது கடும் சினம் ஏற்படக்கூடிய வகையில் உலகத் தமிழாராய்ச்சி மாநாடு அமைந்தது.
1974 ஆம் ஆண்டு ஜனவரி மாதம் யாழ்ப்பாணத்தில் உலகத் தமிழாராய்ச்சி மாநாடு நடந்தது.
இந்த மாநாடு மூலம் கூட்டணியினர் அரசியல் லாபம் அடைந்துவிடுவார்கள் என்று துரையப்பா நினைத்தார்.
அதனால் மாநாடு நடைபெறுவதை தடுக்கவும் அதையும் மீறி நடந்தபோது இடைய+றாகவும் இருக்க முற்பட்டார்.
. யாழ்.நகரெங்குமே விழாக் கோலம் பூண்டு எங்கும் தமிழ் முழக்கம் கேட்ட அந்த நாட்களில் ஒரு நாள் துப்பாக்கி வேட்டொலிகள்!
திரண்டிருந்த மக்கள் சிதறியோடினார்கள்.தேமதுரத் தமிழோசை கேட்க வந்த 9 தமிழர்கள் செத்துப் போனார்கள்.
வேட்டோசை எழுப்பி பொலிசார் நடத்திய அட்டூழியத்தை அன்றைய அரசு மூடி மறைக்கப் பார்த்தது.
மின்சார வயர்களை மிதித்ததும் கூட்ட நெரிசலும் சாவுக்கு காரணம் என்பது போல் விளக்கம் சொல்லப்பட்டது
தமிழாராய்ச்சி மாநாட்டுப் படுகொலைகள் ஸ்ரீலங்கா சுதந்திரக் கட்சி அரசு மீதும் துரையப்பா மீதும் இளைஞர்களது கோபாவேசத்தை வளர்த்துவிட்டன.
கல்வியில் தரப்படுத்தல் கொள்கை, தமிழரசு – நமக்கொரு தனியரசு வேண்டுமென்ற சிந்தனைக்கு நீர்வார்த்தது.
தமிழாராய்ச்சி மாநாட்டுப் படுகொலைகள் ~ ஆயுதம் ஏந்தாமல் விமோசனம் இல்லை| என்ற சிந்தனைக்கு கொம்பு சீவிவிட்டது.
படுகொலைக்குக் காரணமான பொலிஸ் அதிகாரி சந்திரசேகராவுக்கும் துரையப்பாவுக்கும் குறி வைத்து சிவகுமாரன் தலைமையில் சில இளைஞர்கள் நேரம் பார்த்துக் கொண்டிருந்தனர்.
யாழ்ப்பாணம் கைலாசநாதர் கோவில் அருகில் வைத்து பொலிஸ் அதிகாரி சந்திரசேகரா மீது கைத்துப்பாக்கியால் சுட்டார். ஆனால் கைத்துப்பாக்கி சிவகுமாரனைக் கைவிட்டது - இயங்க மறுத்தது.உள்ளுர் தயாரிப்பு உருப்படியாக இல்லை.
பல்வேறு முறை மேற்கொள்ளப்பட்ட கொலை முயற்சிகளில் சந்திரசேகரா தப்பினார். அதேவேளை பொன்னாலை பாலத்தில் வைத்து துரையப்பாவைக் கொல்ல சிவகுமாரன் போட்ட திட்டமும் பலிக்கவில்லை.
பொன்.சிவகுமாரன் உரும்பிராயைச் சேர்ந்தவர்.ஆயுதம் ஏந்துவது ஒன்றே தமிழர்கள் விடுதலைக்கு ஒரே வழி என்று உறுதியாக நம்பியவர்.
துரோகிகள் ஒழிப்புத் தான் அவரது முதல் குறியாக இருந்தது.எனினும் அதில் அவர் வெற்றி பெறவில்லை.
1974 ஆம் ஆண்டு ஜுலை 5 ஆம் திகதி கோப்பாய் வங்கிக் கொள்ளை முயற்சியில் கைதானபோது விஷம் அருந்தித் தற்கொலையானார்.
தற்கொலைக் கலாச்சாரத்திற்கு கால்கோள் நாட்டியவர் சிவகுமாரன் தான்.
பொலிசாரின் தீவிர தேடுதல் வேட்டை காரணமாக சில காலம் தமிழ்நாட்டில் தங்கிருந்து விட்டு வருவதற்கு சிவகுமாரன் திட்டமிட்டார்.
கடல் வழியாகத் தப்பிச் செல்ல சிவகுமாரனுக்கு பணம் தேவைப்பட்டது.
ஐயாயிரம் ரூபா தந்துதவுமாறு  அன்றைய கோப்பாய் பா.உ. கதிரவேற்பிள்ளையிடம் கேட்டிருந்தார்.
உதவ ஒப்புக் கொண்ட கதிரவேற்பிள்ளை கடைசியில் கைவிரித்துவிட்டார்.
அப்போது கதிரவேற்பிள்ளைக்கு ~சிந்தனைச் சிற்பி| என்ற பட்டம் இருந்தது.
சிந்தனைச் சிற்பிக்கு சிவகுமாரனைக் காக்கும் சிந்தனையே இல்லாமல் போனதால் சிவகுமாரன் குழுவினர் கோப்பாய் வங்கியில் குறிவைத்தனர்.
கொள்ளை முயற்சி தோல்வியடைந்தது.தப்பி ஓடிய சிவகுமாரும் ஏனையோரும் பொலிசாரின் சுற்றிவளைப்பில் சிக்கினார்கள்.
சிவகுமாரன் ஓடிப்போய் பதுங்கியிருந்த இடம் பற்றி பொலிசாருக்கு தகவல் சொன்னவன் பெயர் ந. நடராசா.
(உரும்பிராய் பெற்றோல் நிலைய அதிபரும் ஸ்ரீலங்கா சுதந்திரக்கட்சியின் அமைப்பாளருமான ந.நடராசா 02.07.1980 ஆம் ஆண்டு புலிகளால் கொல்லப்பட்டார்.)
சிவகுமாரின் முயற்சிகள் தோல்வியில் முடிந்தபோதும் அது ஆற்றலின்மையின் வெளிப்பாடு அல்ல. முன் அனுபவமற்ற எந்தவொரு நடவடிக்கையும் அப்படித் தான் ஆரம்பமாகும்.
சிவகுமாரன் போட்ட விதை
சிவகுமாரனின் மரணச் சடங்கில்  கடல் அலையாக மக்கள் கண்ணீர் வெள்ளம்.~எங்கள்sivakumaranபொடியளாவது ஆயுதம் ஏந்துவதாவது’ என்று நினைத்தவர்கள் கூட காலம் மாறத்தொடங்கிவிட்டது என்பதை கவனத்தில் கொண்டனர்.
மரண வீட்டில் முன் வரிசையில் நின்றவர்கள் இன்று வரை தம்மை அகிம்சைவாதிகள் என்று கூறிக்கொள்ளும் கூட்டணித் தலைவர்கள் தான். அது தவிர ஆவேசமாக அஞ்சலிக் கூட்ட உரைகளும் நிகழ்த்தினார்கள்.
~இந்திய சுதந்திர போராட்ட தியாகி பகவத்சிங் மாதிரித் தான் தம்பி சிவகுமாரனும்| என்றார் தலைவர் அமிர்.
கூட்டத்தில் சிந்தனைச் சிற்பி கதிரவேற்பிள்ளையும் கலந்து கொண்டு சிவகுமாரன் பற்றி புகழ மறக்கவில்லை.
கூட்டணியின் குரலாக அன்று வெளிவந்த ‘சுதந்திரன்| பத்திரிகை சிவகுமாரன் புகழ் பாடியது. உரும்பிராயில் சிவகுமாரனுக்கு சிலை ஒன்றும் திறந்து வைக்கப்பட்டது
அந்தச் சிலையை திறந்துவைத்தவர் தமிழீழ விடுதலை இயக்கத் தலைவர் முத்துக்குமாரசாமி (தற்போதைய ரெலோ அல்ல அது )
அகிம்சையே எம் வழி என்று சொன்ன கூட்டணித் தலைவர்கள் சிவகுமாரன் பாதை தவறு என்று ஒரு நாளும் சொன்னதில்லை.
மகாத்மாகாந்தி பகவத்சிங்கைப் பற்றி விமர்சித்திருந்தார் என்பது குறிப்பிடத்தக்கது.
சிவகுமாரனின் மரணம் ஆயுதப் போராட்ட எண்ணத்திற்கு நெய் வார்த்தது.
சிவகுமாரனால் குறிவைக்கப்பட்டு தப்பிய துரையப்பா 1975 ஜுலை 27 ஆம் திகதியன்று யாழ்ப்பாணம் பொன்னாலை வரதராஜப்பெருமாள் கோவிலுக்கு முன் வந்திறங்கினார்.
அங்கு துரையப்பாவின் வருகை பற்றிய தகவல் அறிந்து நான்கு இளைஞர்கள் காத்திருந்தனர்.
பிரபாகரன், கலாபதி, கிருபாகரன்,பற்குணராஜா ஆகியோரே அந்த நால்வர்.
துரையப்பா காரிலிருந்து இறங்கியதும் இளைஞர்களில் ஒருவர் முன்னால் வந்து ~வணக்கம் ஐயா| என்றார்.       (தொடரும்)..................................                                                                                                                                        பஸ்தியாம்பிள்ளை கொலை தொடர்பாக தேடப்பட்ட தமிழ் இளைஞர்களது படங்கள் சுவரொட்டி மூலமாக  குற்றப்புலனாய்வுப் பிரிவினரால் 1978 இல் வெளியிடப்பட்டன. துரையப்பா கொலை முதல் பஸ்தியாம்பிள்ளை குழுவினர் கொலை வரை தேடப்பட்ட பிரபாகரனின் சிறுவயது புகைப்படம் மட்டுமே புலனாய்வுத்துறையினரிடம் சிக்கியது. வீட்டிலிருந்த தனது புகைப்படங்கள் அனைத்தையும் முன்கூட்டியே பிரபாகரன் எடுத்துச் சென்றுவிட்டார். தேடப்பட்ட இளைஞர்களில் மாவைசேனாதிராசா, வண்ணை ஆனந்தன், கல்லாறு நடேசானந்தன், புஸ்பராஜா, சபாலிங்கம் (கடந்த மே மாதம் 1 ஆம் திகதி பாரிசில் கொல்லப்பட்டவர்) போன்றோர் பொலிசில் சரணடைந்தனர். பிரபாகரன், சிறீசபாரத்தினம் போன்றோர் சரணடையவில்லை. துரையப்பா கொலையில் பிரபா நேரடியாக பங்கேற்றிருந்தார். சி.ஐ.டி.இன்ஸ்பெக்டர் பஸ்தியாம்பிள்ளை குழுவினர் கொல்லப்பட்டதில்  பிரபா பங்கேற்கவில்லை                                                                                                                                                நன்றி தேனி

ஜெர்மனி மாநாட்டில் இரட்டை நிலைப்பாடு விடுதலைச் சிறுத்தைகள் திருமாவளவனின் பேச்சு விடியோ காட்சி

திருமாவளவன்

இரட்டை நிலைப்பாடு எடுக்கிறார். ஏற்கனவே கடந்த காங்கிரஸ் ஆட்சியின் போது இலங்கைக்குச் சென்ற நாடாளுமன்ற குழுவினருடன் ....தமிழ் ஈழ விடுதலை புலிகளை குறிவைத்து அரசியள் செய்தவர்கள் இப்போது இலங்கையர்களின் முன்னனி நிறுவணங்களை குறிவைத்து அரசியள் செய்யும் கீழ்நிலைக்கு சென்றிருப்பது இந்திய அரசியள் வாதிகள் மற்றும் இந்திய நிறுவனங்கள் மகேந்தாவுடனும் அவர் குடும்ப உறவுகளுடனும் ஒப்பந்த அடிப்படையில் நடாத்தும் நிறுவணங்களை  குறிவைத்து கதைக்காமல் இருப்பதும் .இலங்கை அரசுடன் ஒட்டு குழுக்களாக செயள்படும் திருமாவழவன் போன்றவர்கள் இந்திய மத்திய அரசின்  தயவுடன் தமிழருக்கு கிடைத்த 13 ஆவது திருத்த சட்டத்திற்கும் ஆப்பு வைக்கும் வாய் வீச்சாளர் என்பதும் மக்களுக்காக இவர்கள் என்ன செய்கின்றார்கள் என்பதை மக்கள் அறிந்து கொள்ளும் காலம் வரும்  வாய் வீச்சு ஜெர்மனியில் கடந்த அக்டோபர் ,4 ,5 , தேதிகளில் 12 வது உலக தமிழ்ப் பண்பாட்டு மாநாடும் , 40 வது ஆண்டு 


2005-ம் ஆண்டில் மகிந்த ஹெல்பிங் ஹம்பாந்தோட்டை ஊழல் சிறையில் அடைக்காமல் விட்டமைக்காக மன்னிப்பு கோரும் சரத் என். சில்வா

இலங்கை ஜனாதிபதி மகிந்த ரராஜபக்சே 2005-ம் ஆண்டில் ஜனாதிபதி தேர்தலில் போட்டியிடுவதற்கு முன்னதாக, ஹெல்பிங் ஹம்பாந்தோட்டை ஊழல் குற்றச்சாட்டில் அவரை சிறையில் அடைக்காமல் விட்டமைக்காக மக்களிடம் மன்னிப்பு கோருவதாக அக்காலத்தில் தலைமை நீதியரசராக பணியாற்றிய சரத் என். சில்வா கூறுகின்றார்.மகிந்த ரராஜபக்சே ஜனாதிபதித் தேர்தலில் போட்டியிடுவதற்கு முன்னதாக, ஹெல்பிங் ஹம்பாந்தோட்டை என்ற சுனாமி நிதி ஊழல் தொடர்பான குற்றச்சாட்டுகள் உள்ளூர் ஊடகம் ஒன்றில் வெளியாகியிருந்தது. அப்போது, அவரது வேட்பாளர் அந்தஸ்து கேள்விக்குறியானபோது, அவர் மீதான குற்ற விசாரணையை நிறுத்தி சரத் என்.சில்வா தலைமையிலான உச்சநீதிமன்றம் தீர்ப்பளித்தது.
அப்போது, குற்றச்சாட்டுக்கள் தொடர்பான ஆதரங்கள் மீதான சந்தேகத்தின் பலனை மகிந்த ரராஜபக்சேவுக்கு அளித்து, அவர் சிறையில் அடைக்கப்படுவதிலிருந்து தடுத்ததாக சரத் என். சில்வா கொழும்பு புதிய நகரமண்டபத்தில் நடந்த நிகழ்வொன்றில் தெரிவித்துள்ளார். அன்று மகிந்த ரராஜபக்சேவை சிறையில் அடைத்திருந்தால், அவர் இன்று ஜனாதிபதியாக இருக்க வாய்ப்பு ஏற்பட்டிருக்காது என்றும் சரத் சில்வா கூறியுள்ளார்.

2005-ம் ஆண்டு ஜனாதிபதி தேர்தலுக்கு முன்னர், ஹெல்பிங் ஹம்பாந்தோட்டை வழக்கில் ஜனாதிபதி மகிந்த ரராஜபக்சேவை ரிமாண்டில் போட்டு சிறையலடைப்பதற்கான வாய்ப்பு தான் இருந்தது. நான் அந்த நேரத்தில், எனக்குத் தெரிந்தவரையில் நீதியை நிறைவேற்றினேன் என்றார் முன்னாள் தலைமை நீதியரசர்.

அதாவது இந்த சந்தர்ப்பத்தில் இவரை சிறையில் அடைப்பதற்கு சட்டத்தில் இடம் இல்லை என்று கூறினேன். அதனால், அவரால் போட்டியிட முடிந்தது. ஜனாதிபதியாக நியமனம் பெற்றார். இரண்டாவது தவணைக்கும் தெரிவானார் என்றும் கூறினார் சரத் என். சில்வா.
இப்போது இவர் செல்கின்ற பாதை முழுமையாக சட்டத்துக்கு விரோதமானது, உச்சகட்ட ஊழல் நடக்கின்றது. ஒப்பந்தங்களில் எந்தளவுக்கு பணம் கொள்ளை அடிக்கப்படுகின்றது என்பது எமக்குத் தெரியும். தங்களின் குடும்பத்தை வளர்த்துவிடுகிறார்கள். பொதுச் சொத்துக்கள் சுரண்டப்படுகின்றன. அதற்காக நான் மன்னிப்பு கேட்க வேண்டுமா இல்லையா? என்று பிபிசிக்குஅளித்த செவ்வியில் சரத் சில்வா கூறினார்.

மகிந்த ரராஜபக்சே மூன்றாவது தடவையாக ஜனாதிபதித் தேர்தலில் போட்டியிடுவதற்கு அரசியலமைப்புப்படி தகுதியை இழந்துவிட்டார் என்றும் முன்னாள் தலைமை நீதியரசர் அண்மையில் கூறியிருந்தமை குறிப்பிடத்தக்கது

வரவேற்கப்பட்டார் குற்றவாளி ஜெயலலிதா

Home_jayalalithaபெங்களூரு பரப்பன அக்ரஹாரா சிறையில் இருந்து நேற்று விடுவிக்கப்பட்ட ஜெயலலிதா, மாலை, 5:00 மணிக்கு சென்னை வந்தார். அவரை அ.தி.மு.க.,வினர் உற்சாகமாக வரவேற்றனர். 18 வருட காலமாகக் இழுத்தடிக்கப்பட்ட சொத்துக்குவிப்பு வழக்கில் தண்டனை பெற்ற ஜெயலலிதா பிணையில் விடுதலையானார். மக்களின் விடுதலைக்காகப் போராடி சிறை சென்றவர்களுக்குக் கொடுக்கப்படும் அதே வரவேற்பு ஊழல் குற்றத்திற்காகச் சிறை சென்ற ஜெயலலிதாவிற்கும் கொடுக்கப்பட்டது. சிறையில் இருந்து விடுதலையாகி வந்த, ஜெயலலிதாவை வரவேற்க, அ.தி.மு.க.,வினர் காலை முதல், விமான நிலையத்தில் இருந்து, போயஸ் கார்டன் வரை, கூடி நின்றனர். போலீசாரும் பாதுகாப்புக்கு நிறுத்தப்பட்டனர்.போலீசார் சாலையோரம் தடுப்பு ஏற்படுத்தி, தொண்டர்களை அதற்குள் நிற்க வைத்தனர். விமான நிலையத்தில் இருந்து போயஸ் கார்டன் வரை ஜெயலலிதாவின் கார், அ.தி.மு.க., தொண்டர்கள் வரவேற்புக்கு மத்தியில் ஊர்ந்து வந்தது.
ஜெயலலிதாவின் கார் தங்களை கடந்து சென்றபோது, அவர்கள் ‘அம்மா வாழ்க’ ‘அம்மா வருக… எங்கள் அம்மா வருக… வருக…’ என்று விண்ணதிர முழக்கமிட்டனர். வறுமை தின்ற நாட்டில் மக்களின் எச்சங்களையும் கொள்ளையிட்டு ஊதாரித்தனமாக வாழ்க்கை நடத்திய ஜெயலலிதாவை மக்களுக்குக்காகப் போராடிய தியாகி ஒருவரை வரவேற்பது போன்ற பிரமாண்ட்டமான வரவேற்பு தமிழ் நாட்டின் அவமானம்.
போயஸ் கார்டனில் உள்ள, ஜெயலலிதா வீட்டில் இருந்து, 100 மீட்டர் தூரத்தில், அனைவரும் தடுத்து நிறுத்தப்பட்டு இருந்தனர்.கொட்டும் மழையில், தொண்டர்கள் நனைந்தபடிநின்றனர். ஜெயலலிதா வந்ததும், அவரை வாழ்த்தி கோஷமிட்டனர். அவர் கார், கார்டனுக்குள் நுழைந்ததும், காரை பின்தொடர்ந்து, தொண்டர்கள் செல்ல முயன்றனர்.
அவர்களை பாதுகாப்புக்கு நின்ற போலீசார் தடுத்தனர். போலீசாரை தள்ளிவிட்டபடி, தொண்டர்கள் நுழைய முயற்சிக்க, அங்கு தள்ளுமுள்ளு ஏற்பட்டது. தொண்டர்கள் அத்து மீறியதால், போலீசார் ஒன்று திரண்டு, அவர்களை,அங்கிருந்து அகற்றினர்.

ஐரோப்பிய ஒன்றியத்தில் புலிகளுக்கு எதிரான தடை நீக்கப்பட்டமை குறித்து கலாநிதி தயான் ஜயதிலக்க

Dayan Jayatilakeஐரோப்பிய ஒன்றியத்தில் தமிழீழ விடுதலைப் புலிகளுக்கு விதிக்கப்பட்டிருந்த தடை நீக்கப்பட்டமையானது சர்வதேசத்தில் இலங்கைக்கு எதிரான பனிப் போர் முன்னோக்கி கொண்டு செல்லப்படுவதையும் இலங்கை அதில் தோல்வியடைந்துள்ளமையுமே காட்டுவதாக கலாநிதி தயான் ஜயதிலக்க தெரிவித்துள்ளார். இது குறித்து அத தெரணவுக்கு வழங்கிய செவ்வியிலேயே அவர் இவ்வாறு கூறியுள்ளார். முன்னாள் வௌிவிவகார அமைச்சர் லக்ஷ்மன் கதிர்காமரை கொலை செய்தமையால் அவர் மீதிருந்த கௌரவம் மிக்க அன்பு அவரது மனைவி அந்தத்த நாடுகளுக்கு சென்று பேசியமை மற்றும் அப்போதைய வௌிவிவகார செயலாளராக இருந்தவரின் திறமை ஆகிய காரணங்களினாலேயே அப்போது விடுதலைப் புலிகளுக்கு எதிராக தடை விதிக்கப்பட்டதாகவும் அவர் இதன்போது சுட்டிக்காட்டினார். மேலும் யுத்தம் ஆரம்பிக்கப்பட்ட போதும் இந்தத் தடை காணப்பட்டதாக தயான் ஜயதிலக்க குறிப்பிட்டுள்ளார். எனினும் யுத்தம் நிறைவடைந்து ஐந்து வருடங்களின் பின்னர் இந்தத் தடை நீக்கப்பட்டமைக்கு அரசாங்கம் மற்றும் அரச சார்பற்ற ஆனால் அரசாங்கத்தின் ஆதரவைப் பெற்றவர்கள் என நம்பப்படும் மதவாதக்குழுக்களின் நடவடிக்கைகள் மற்றும் அளுத்கமை ரதுபஸ்வவ போன்ற சம்பவங்களால் இலங்கை பற்றிய பிரதிபலிப்புக்கள் சிதைக்கப்பட்டமையே காரணம் எனவும் அவர் கூறியுள்ளார்.

jeudi 16 octobre 2014

புலிகள் தடை முடிவை ஐரோப்பிய நீதிமன்றம் ரத்து செய்தது

தவறுகள் இருக்கின்ற காரணத்தால், இந்த முடிவை எடுத்துள்ளதாக நீதிமன்றம் தெரிவித்துள்ளது.
விடுதலைப் புலிகள் அமைப்பு பயங்கரவார அமைப்பு என்று இந்தியாவில் அறிவிக்கப்பட்டிருந்த முடிவின் அடிப்படையில், ஐரோப்பிய கவுன்சில் முடிவெடுத்திருந்ததாகவும், அது முறையல்ல என்றும் நீதிமன்றம் குறிப்பிட்டுள்ளது.
எனவே ஒரு மூன்று மாத காலத்தில் விடுதலைப் புலிகள் அமைப்பை பயங்கரவாதப் பட்டியலில் வைத்திருப்பது பற்றி ஐரோப்பிய கவுன்சில் மறுபடியும் பரிசீலித்து புதிதாக முடிவெடுக்க வேண்டும் என நீதிமன்றம் கூறியுள்ளது.
இடைப்பட்ட காலத்தில் பயங்கரவாத அமைப்புகளின் பட்டியலில் விடுதலைப் புலிகள் அமைப்பின் பெயர் நீடிக்கவே செய்யும் என்றும், அது நீக்கப்படவில்லை என்றும் நீதிமன்றம் குறிப்பிட்டுள்ளதாக ஐரோப்பிய நீதிமன்றத்தின் ஊடககத்துறை அதிகாரியான கிறிஸ்டஃபர் ஃப்ரெட்வெல் பிபிசியிடம் தெரிவித்தார்.
விடுதலைப் புலிகள் அமைப்பு ஒரு பயங்கரவாத அமைப்பா என்ற கேள்வியை ஐரோப்பிய நீதிமன்றம் பரிசீலித்திருக்கவில்லை என அவர் சுட்டிக்காட்டினார்.
பயங்கரவாத அமைப்புகளுக்கு பொருத்தக்கூடிய சர்வதேச விதிகளையும் அளவுகோல்களையும் விடுதலைப் புலிகளுக்கு பொறுத்த முடியாது என்ற புலிகள் தரப்பு வாதத்தை நீதிமன்றம் நிராகரித்தது என அவர் குறிப்பிட்டார்.
இலங்கை அறிக்கை
ஐரோப்பிய நீதிமன்றத்தின் தீர்ப்பு குறித்து இலங்கை வெளியுறவுத்துறை அமைச்சு வெளியிட்டுள்ள அறிக்கையில், விடுதலைப் புலிகள் அமைப்பை பயங்கரவாத அமைப்பாக வகைப்படுத்தும் விஷயம் இந்த உத்தரவில் கேள்விக்குள்ளாக்கப்படவில்லை என்பது வலியுறுத்தப்பட்டுள்ளது.
விடுதலைப் புலிகள் அமைப்பு பற்றி ஐரோப்பிய கவுன்சிலுக்கு இலங்கை அரசு இதுவரை தகவல் வழங்கி வந்ததுபோலவே இனியும் தொடர்ந்து தகவல் வழங்கும் என்று தெரிவிக்கப்பட்டுள்ளது.
விடுதலைப் புலிகள் சம்பந்தமாக ஐரோப்பிய ஆணையம் செய்யும் மறு பரிசீலனையிலும் நல்ல முடிவு எடுக்கப்படும் என்று தாம் நம்புவதாக இலங்கை வெளியுறவு அமைச்சு தெரிவித்துள்ளது.

வெளிவிவகார சேவையை ஒரு குழு கட்டுப்படுத்தி வருகின்றது – தமரா குணநாயகம் -

 இலங்கை வெளிவிவகார சேவையை ஒரு குழு கட்டுப்படுத்தி வருவதாக ஜெனீவாவிற்கான முன்னாள் நிரந்தர இலங்கைப் பிரதிநிதியும், சிரேஸ்ட ராஜதந்திரியுமான தமரா குணநாயகம் தெரிவித்துள்ளார்.
இலங்கையின் வெளிவிவகார சேவையை ஒரு குழு கட்டுப்படுத்தி வருகின்றது – தமரா குணநாயகம் -
ராஜதந்திர சேவையிலிருந்து தாம் விலகிக்கொள்வதற்கு அல்லது விலக்கப்படுவதற்கு தற்போதைய வெளிவிவகார அமைச்சின் செயலாளர் செனுகா செனவிரட்னவும், வெளிவிவகார அமைச்சின் கண்காணிப்பு பாரளுமன்ற உறுப்பினர் சஜின்வாஸ் குணவர்தனவுமே காரணம் என தெரிவித்துள்ளார்.

இலங்கை வெளிவிவகார சேவையை ஒரு சிலர் ஆக்கிரமித்து உள்ளதாகவும், அவர்கள் தேசத்தின் நலன்களையும் கொள்கைகளையும் கருத்திற் கொள்வதில்லை எனவும் அவர் தெரிவித்துள்ளார்.

அந்தக் குழுவின் விருப்பு வெறுப்புக்களக்கு இயைபொத்து போகாத ராஜதந்திரிகள் அதிகாரிகள் பதவிகளிலிருந்து தூக்கி எறியப்படுவதாகக் குறிப்பிட்டுள்ளார்.

அரசியல் ரீதியாக நியமிக்கப்பட்டவர்கள் மட்டுமன்றி, தொழில்சார் ராஜதந்திரிகளும் இவ்வாறு வெளியேற்றப்பட்டு உள்ளதாகத் தெரிவித்துள்ளார்.

சஜின் வாஸ் - கிறிஸ் நோனீஸ் சம்பவத்தின் ஊடாக நாட்டுக்கு பாரதூரமான பாதிப்புக்கள் ஏற்படக்கூடிய அபாயம் காணப்படுவதாகத் தெரிவித்துள்ளார்.

இவ்வாறான சம்பவங்களின் மூலம் நாட்டின் அரச பொறிமுறைமை இயங்குவதில்லை என்பதே அர்த்தப்படுகின்றது என அவர் சுட்டிக்காட்டியுள்ளார்.

ஜெனீவாவிற்கான நிரந்தர பிரதிநிதியாக கடமையாற்றிய காலப்பகுதியில் தமக்கு ஒத்துழைப்பு வழங்கிய அதிகாரிகளுக்கு எதிராக ஒழுக்காற்று விசாரணை நடத்தப்பட்டதாகத் தெரிவித்துள்ளார்.

ஐக்கிய நாடுகள் மனித உரிமைப் பேரவையின் அமர்வுகள் நடைபெறுவதற்கு ஒரு மாத காலத்திற்கு முன்னதாக நிரந்தரப் பிரதிநிதியாக கடமையாற்றிய செனுகா செனவிரட்னவிற்கு பதிலாக தம்மை அரசாங்கம் நியமித்ததாகத் தெரிவித்துள்ளார்.

ஐக்கிய நாடுகள் மனித உரிமைப் பேரவையில் அமெரிக்கா தீர்மானம் ஒன்றை நிறைவேற்ற உள்ளமை குறித்து செனுகாவிற்கு தனிப்பட்ட மின்னஞ்சல் ஒன்று அனுப்பி வைக்கப்பட்டிருந்ததாகவும், அது பற்றிய தகவல்கள் மூடி மறைக்கப்பட்டதாகவும் தெரிவித்துள்ளார்.

தீர்மானம் நிறைவேற்றப்படுவது தொடர்பில் எவ்வாறு நடவடிக்கை எடுக்கப்பட வேண்டுமென வெளிவிவகார அமைச்சிடம் ஆலோசனை கோரியிருந்தாகவும், அதற்கு எவ்வித பதிலும் அளிக்கப்படவில்லை எனவும் அவர் தெரிவித்துள்ளார்.

இலங்கைக்கு வர அனுமதியளிக்குமாறு தாம் கோரியதாகவும் அதற்கும் அனுமதி அளிக்கப்படவில்லை எனவும் அவர் குறிப்பிட்டுள்ளார்.

பின்னர் சுய விருப்ப அடிப்படையில் தாம் இலங்கைக்கு வந்ததாகவும், அதற்கு சஜின்வாஸூம், வெளிவிவகார அமைச்சரும் தம்மை கடுமையாக கடிந்துகொண்டதாகத் தெரிவித்துள்ளார்.

ஜெனீவாவிற்கான இலங்கை நிரந்திரப் பிரதிநிதியின் உத்தியோகபூர்வ இல்லத்தை தமிழீழ விடுதலைப் புலிகளின் நிறுவனமொன்றறே நிர்மானித்தது என அவர் குறிப்பிட்டுள்ளார்.

செனுகா செனவிரட்ன பதவி வகித்த காலத்தில், இந்த உத்தியோகபூர்வ இல்லத்தை அமைக்கும் பணிகள் தமிழீழ விடுதலைப் புலிகளின் நிறுவனத்திற்கு வழங்கப்பட்டிருந்ததாகத் தெரிவித்துள்ளார்.

நாட்டுக்கு எதிராக செயற்பட்டு வரும் தரப்பினரிடம் இவ்வாறான பொறுப்பினை ஒப்படைக்கப்பட்டது ஆபத்தானது என அவர் சுட்டிக்காட்டியுள்ளார்.

நிர்மானப்பணிகளின் போது கண்ணுக்குத் தெரியாத வகையில் கமராக்களோ அல்லது மைக் வகைகளோ வைக்கப்பட்டிருந்தால், உத்தியோகபூர்வ இல்லத்தில் நடைபெறும் அனைத்து பேச்சுக்களையும்அவர்களினால் ஒட்டுக் கேட்க முடிந்திருக்கும் என அவர் தெரிவித்துள்ளார்.

இந்த நிறுவனம் உண்மையில் ஓர் நிதி நிறுவனம் எனவும், ஜெனிவாவில் இருந்து 300 கிலோ மீற்றர் தொலைவில் நிறுவனம் அமைந்துள்ளது எனவும்அவர் தெரிவித்துள்ளார்.

இதன் காரணமாகவே தாம் பதவியைப் பொறுப்பேற்றதன் பின்னர் இல்ல நிர்மானம் குறித்த கணக்காய்வு மற்றும் பாதுகாப்பு விபரங்களை கோரியிருந்ததாகக் குறிப்பிட்டுள்ளார்.

நிர்மானப் பணிகளை மேற்கொண்ட நிறுவனத்தின் பிரதானி தமிழீழ விடுதலைப் புலிகளுடன் தொடர்புகளைப் பேணிய குற்றச்சாட்டின் பேரில் சிறை அடைக்கப்பட்டவர் என சுட்டிக்காட்டியுள்ளார்.

அநீதிகள் பிழைகள் இடம்பெறும் போது வாயை மூடிக்கொண்டு வேடிக்கை பார்த்தால் எவ்வித பிரச்சினையும் கிடையாது எனவும், கேள்விகள் எழுப்பினால் அவர்கள் பணியிலிருந்து தூக்கி எறியப்படுவார்கள் எனவும் அவர் தெரிவித்துள்ளார்.

நாட்டின் வெளிவிவகார சேவை பாரிய பின்னடைவை எதிர்நோக்கி வருவதாகத் தெரிவித்துள்ளார்.

ஐக்கிய நாடுகள் மனித உரிமைப் பேரவையில் சர்வதேச விசாரணைகள் நடத்தப்பட்டு வருகின்றமை மிகவும் ஆபத்தானது என அவர் சுட்டிக்காட்டியுள்ளார்.

நாட்டு மக்களை அரசாங்கத்தினால் பாதுகாத்துக்கொள்ள முடியவில்லை என விசாரணை முடிவில் நிறுவப்படும் எனவும், எதிர்காலத்தில் கிரமமான முறையில் இலங்கைக்கு எதிரான அழுத்தங்கள் அதிகரிக்கப்படும் எனவும் அவர் தெரிவித்துள்ளார்.

முதலில் உள்நாட்டு ரீதியான விசாரணைகளை நடத்துமாறு கோரியதாகவும், உண்மையைக் கண்டறியும் ஆணைக்குழுவின் ஊடாக நல்லிக்கத்தை ஏற்படுத்துமாறு கோரியதாகவும் தெரிவித்துள்ளார்.

இலங்கை அரசாங்கம் உரிய பதில் அளிக்காத காரணத்தினால் சர்வதேச விசாரணைகள் நடத்தப்படுவதாகக் குறிப்பிட்டுள்ளார்.

அமெரிக்கா கிரமமான முறையில் இலங்கை விவகாரங்களில் நடவடிக்கை எடுத்து வருவதாகத் தெரிவித்துள்ளார்.

யுத்தம் இடம்பெற்ற காலத்திலும் அதன் பின்னரும் தற்போதும் மக்களை பாதுகாக்க அரசாங்கம் தவறியுள்ளது என்ற வகையில் குற்றச்சாட்டுக்கள் முன்வைக்கப்படும்என அவர் எதிர்வு கூறியுள்ளார்.

குறிப்பாக அண்மைக்காலமாக முஸ்லிம்கள் நெருக்கடிகளை எதிர்நோக்கி வருகின்றமை குறித்தும் ஐக்கிய நாடுகள் அமைப்பு கவனம் செலுத்தும் எனவும் அவர் தெரிவித்துள்ளார்.

பதினைந்து ஆண்டுகள் ஐக்கிய நாடுகள்அமைப்பில் கடயைமாற்றிய காரணத்தினால் தமக்கு, அமைப்பின் நடவடிக்கைகள் குறித்து அனுபவம் இருப்பதாகத் தெரிவித்துள்ளார்.

இலங்கை வெலிக்கடை சிறையில் நேற்று ஆரம்பம் கைதிகளுக்கு தொலைபேசி வசதி

சிறைக் கைதிகள் தமது குடும்பத்தார் மற்றும் நண்பர்களுடன் தொடர்பு கொள்வதற்கான தொலைபேசி வசதிகள் நேற்று வெலிக்கடை சிறைச்சாலையில் ஆரம்பித்து வைக்கப்பட்டன.

டெலிகொம் நிறுவனம் சுமார் 72 இலட்சம் ரூபா செலவில் சிறைக் கைதிகளுக்கான தொலைபேசி இணைப் புக்களை வழங்கியுள்ளது. சிறைக்கைதிகளின் ஒத்துழைப்புடன் அமைக்கப்பட்ட தொலைபேசி கூடுகளை சிறைச்சாலைகள் மறுசீரமைப்பு மற்றும் நலன் புரியமைச்சர் சந்திரசிறி கஜதீர நேற்று நாடாவினை வெட்டி திறந்து வைத்தார். அதனைத் தொடர்ந்து சிறைச் கைதிகள் தமது நெருங்கிய உறவுகளுடன் சுமார் 10 நிமிடங்களுக்கு உரையாடுவதற்கு அனுமதிக்கப்பட்டனர்.

அந்த வகையில் வாரத்திற்கு மூன்று தொலைபேசி இலக்கங்களுக்கு, ஒரு அழைப்புக்கு 10 நிமிடம் என்ற வகையில் சிறைக்கைதிகள் உரையாடுவதற்கு அனுமதிக்கப்படவுள்ளனர். இவ்வாறு சிறைக்கைதியொருவர் மாதத்திற்கு நான்கு தடவைகள் தமது நெருங்கிய உறவுகளுடன் தொடர்பு கொள்ள முடியுமென சிறைச்சாலைகள் ஆணையாளர் சந்திரரட்ண பல்லேகம தெரிவித்தார்.

பல்வேறு குற்றச் செயல்களுக்காக சமூகத்திலிருந்து பிரிந்து சிறைச்சாலைக்குள் வாழ்கின்ற போதும் அவர்களால் குடும்ப நினைவுகளை இழந்துவிட முடியாது. இதனால்தான் 90 சதவீதமானோர் சட்ட விரோதமான முறையில் கையடக்கத் தொலைபேசிகளை உபயோகித்து வந்தனர். இவற்றுக்கு நிரந்தர தீர்வு காணும் வகையிலேயே நிலையான தொலைபேசி வசதிகளை நாம் எமது சிறைக் கைதிகளுக்காக பெற்றுக் கொடுத்துள் ளோமெனவும் அவர் கூறினார்.

சிறையில் இருக்கும் பல இளைஞர்கள் சிறந்த நிபுணத்துவம் கொண்டிருப்பதனால் இவர்களுக்கு தொலைத்தொடர்பு பற்றிய அறிவினைப் பெற்றுக் கொடுக்க தனியார் நிறுவனங்கள் முன்வரவேண்டு மெனவும் அமைச்சர் சந்திரசிறி கஜதீர கோரிக்கை விடுத்தார்.

தொலைபேசி மூலம் தொடர்பு கொள்வதற்காக ஒவ்வொரு சிறைக்கைதிக்கும் குறியீட்டு இலக்கம் வழங்கப்பட்டுள்ளது. கைவிரல் அடையாளத்தை கைதி பதிவு செய்வதன் மூலம் தனது குறியீட்டு இலக்கத்தை அழுத்தி பின்னர் அழைக்க வேண்டிய தொலைபேசி இலக்கத்தை டயல் செய்ய வேண்டும். ஆரம்ப கட்டமாக உள்நாட்டு சிறைக்கைதிக்கு 25 ரூபாவும் வெளிநாட்டு சிறைக் கைதிக்கு 100 ரூபாவும் இலவசமாக வழங்கப்பட்டுள்ளது.

அதனைத் தொடர்ந்து வெளியிலிருக்கும் உறவினர்கள் குறித்து குறியீட்டு இலக்கத்திற்கான முற்கொடுப் பனவுகளை செலுத்துதல் வேண்டும் எனவும் டெலிகொம் நிறுவனத்தின் அதிகாரிகள் விளக்கமளித்தனர்.

lundi 13 octobre 2014

இலங்கைத் தமிழரசுக் கட்சியின் அகிம்சை போராட்டம் தொடங்க இன்னும் சுமார் 80 நாட்களே உண்டு

இலங்கைத் தமிழரசுக் கட்சியின் 15 ஆவது தேசிய மாநாடு இவ்வாண்டு ஆவணி மாதம் 5,6,7 ஆம் திகதிகளில் வவுனியாவில் கூடியது.இம்மாநாடு பற்றி அதிகூடிய செய்திகளை தமிழ், சிங்கள மற்றும் ஆங்கில ஊடகங்கள் வழங்கிய வண்ணம் இருந்தன. புகலிடத்திலும் இந்த மாநாடு குறித்த மிகப்பெரிய எதிர்பார்ப் புக்கள் பரப்பப் பட்டன.விரால் இல்லா குளத்தில் குறட்டையே அதிகாரி என்பது போல் இப்போதெல்லாம் வேலுப்பிள்ளை மகனுடைய மாவீரர் தின உரையில்லாத காரணத்தால் இந்த மாநாட்டுக்கெல்லாம் மவுசு கூடிவிட்டது. முன்பெல்லாம் பிரபாகரனின் மாவீரர் தின உரையை இந்த ஊடகங்கள் காத்துக்கிடந்ததுண்டு. தலைவர் மீசையுடன் வருவாரா மீசையின்றி வருவாரா என்பதை வைத்தே அடுத்த ஆண்டில் போர் மீளத்தொடங்கும் அன்றில் அமைதி உருவாகும் என்று கணிப்பிட்டு கூறிய அரசியல் ஞானிகள் பலர் இப்போது விலாசமே இல்லாமல் போய்விட்டார்கள்.எப்படியோ 2009ஆம் ஆண்டு தமிழ் மக்களை பிடித்த சனியன் தொலைந்து போனபின்னர் தமிழ் மக்களில் பெரும்பாலானோர் தமது ஏக்கங்களையும் எதிர்பார்ப்புக ளையும் தமிழரசு கட்சியிடம் ஒப்படைத்திருக்கின்றார்கள்.அந்த எதிர்பார்ப்பும் நம்பிக்கையுமே தமிழரசு கட்சியின் தற்போதைய மூலதனமாக மாறியுள்ளது.அந்த மூலதனத்தை அடிப்படையாக கொண்டே 2010 பாராளுமன்ற தேர்தலில் இறுதி யுத்தத்தின் அழிவுகளுக்கு காரண மானவர்களை பழிவாங்குவோம் என தமிழ் மக்களுக்கு உறுதி வழங்கி 14 ஆசனங்களை இந்த தமிழரசுகட்சி பெற்றுக்கொண்டது. 2012 கிழக்கு மாகாண சபை தேர்தலில் தமிழரின் ஒற்றுமையை சர்வதேசத்துக்கு காட்டுவோம் என்று ஏமாற்று வித்தை காட்டி 11 ஆசனங்களை தமிழரசு கட்சி வென்று கிழக்கு மாகாண சபையின் எதிர்கட்சி ஆகியது. 2013ம் ஆண்டு வடக்கு மாகாணசபை தேர்தலிலோ ஆளுனரையும் மாற்றி இராணுவ த்தையும் வெளியேற்று வோம் என தம்பட்டம் அடித்து 30 ஆசனங்களை வென்று ஆட்சியை கைப்பற்றியது. ஆனால்தமிழ் மக்களுக்கு வழங்கப்பட்ட இந்த வாக்குறுதிகளில் எந்த ஒன்றையும் இதுவரையில் தமிழரசு கட்சியால் நிறைவேற்ற முடியவில்லை. இந்த நிலையில் தான் தொடர்ந்தும் மக்களுக்கு ஏதாவது சொல்லியாக வேண்டிய நிலையில் நடத்தி முடிக்கப்ப ட்டிருக்கிறது தமிழரசு கட்சியின் இந்த 15வது மாநாடு.இந்த மாநாட்டில் 15 முக்கிய தீர்மானங்களை தமிழரசு கட்சி வெளியிட்டுள்ளது.அதில் முதலாவது தீர்மானம் பின்வருமாறு அமைந்துள்ளது.எமது இனத்தின் சுயநிர்ணய அடிப்படையிலே, பிளவுபடாத ஐக்கிய இலங்கைக்குள்ளே, இணைந்த வடக்கு - கிழக்கில் பகிரப்படும் இறைமையின் அடிப்படையில், தன்னாட்சி அதிகாரம் கொண்ட அரசு ஒன்று வன்முறையற்ற சாத்வீகப் போராட்டத்தின் மூலம்- வென்றெடுக்கப்படும் வரை போரா டுவோம் என்று எமது மக்களுக்கு உறுதி கூறுகின்றது.அத்தோடு இந்த சாத்வீக போராட்டம் ஆரம்பிப்பதற்கு முன்னர் மூன்று மாதகால கெடு அரசாங்கத்துக்கு வழங்குவதாக கட்சியின் புதிய தலைவர் மாவை சேனாதிராஜா அந்த மாநாட்டிலேயே அறிவித்தார்..அடுத்த மூன்று மாதத்து க்குள் அதாவது இந்த ஆண்டு டிசம்பர் 31 ஆம் திகதிக்குள் அடக்கு முறை நடவடிக்கைகளை நிறுத்தி நிலைமையைச் சீர்செய்வதற்கு இலங்கை அரசு உரிய நடவடிக்கைகளை எடுக்க வேண்டும். அவ்வாறு செய்யத் தவறுமானால் அடக்குமுறை நடவடி க்கைகள் தொடருமானால் தைத் திங்கள் முதலாம் திகதி தொடக்கம் தமிழர் தாயகம் எங்கும் அஹிம்சைப் போரா ட்டம் தொடர்ந்து கட்டவிழும். அரசுக்குரிய காலக்கெடு தாண்டுமானால் தமிழரசு கட்சியின் அகிம்சை போராட்டம் வெடிப்பதை யாராலும் தடுக்க முடியாது என்றவாறெல்லாம் மனுஷன் பேசி வருகின்றார். அண்மையில் மட்டக்களப்பில் அவருக்கு நடந்த வரவேற்பு நிகழ்விலும் இதே பேச்சுத்தான் களைகட்டியது. அப்படி பார்த்தால் இந்த போராட்டம் வெடிக்க இன்னும் சுமார் 80 தினங்களே உண்டு.ஒரு வரலாற்று பாரம்பரியம் மிக்க கட்சியின் 15 வது மாநாட்டில் மேற்கோள் ளப்பட்ட தீர்மானமாக இது இருப்பதால் யாரும் இதை விளையா ட்டாக எடுத்து கொள்ள கூடாது.எனவே இது சும்மா அவ்வப்போது தமிழரசு கட்சியினர் பேசுகின்ற சர்வதேசம் பார்த்து கொண்டி ருக்கும் கதையோ அன்றி வடக்கிலிருந்து இராணுவத்தை வெளியேற்றும் புலுடாவொ, அன்றி ஆளுனரை மாற்றிவிடும் மந்திர வித்தைகளோ போல் இல்லை என்பது புலனாகின்றது. எனவே வடக்குகிழக்கு வாழ் மக்கள் அகிம்சை போராட்டத்துக்கு தெருவில் இறங்க வேண்டிய திகதி அண்மித்துக்கொண்டே இருக்கின்றது. அதற்கு முன்னர் இந்த போராட்டத்தில் முன்வைக்கப்பட்டி ருக்கும் கோரிக்கை பற்றி கொஞ்சம் கருசனை கொள்வோம். சுயநிர்ணய உரிமை,ஐக்கிய இலங்கை,வடக்கு கிழக்கு இணைந்த தன்னாட்சி அதிகார அரசு இவை சுருக்க மாக நமக்கு கூறுவதென்ன? ஒரு தௌ¤வான அதிகார பகிர்வு மிக்க தீர்வு. அதனடிப்படையில் முதலில் இந்த கோரிக்கையானது கீழ்வரும் முடிவுகளுக்கு இட்டு செல்கிறது.அ)அதிகார பரவலாக்க முறையான மாகாணசபையை இந்தகோரிக்கை நிராகரிக்கின்றது.ஆ)இலங்கையின் ஒற்றையாட்சி தத்து வத்தை இந்த கோரிக்கை நிராகரிக்கின்றது.மாகாணசபை முறைமை ஒற்றையாட்சி முறையின்கீழ் இயங்குவது ஆகும். ஆனால் தமிழரசு கட்சி கோருகின்ற ஐக்கிய இலங்கைக்குள்ளான அரசு என்பது ஒற்றையாட்சி முறையின்கீழ் சாத்தியமாக முடியாதது. எனவே அது ஐக்கிய அமேரிக்காபோல் அல்லது ஐக்கிய இராச்சியம் போல் பல அரசுகளின் கூட்டாக ஒன்றியமாக மட்டுமே சாத்தியமானது. சுயநிர்ணயம் என்பது எந்த வேளையிலும் பிரிந்து செல்ல கூடிய உரிமையுடனான இணைப்பு ஆகும்.ஆகவே இந்த கோரிக்கைகளை முன்வத்தி ருப்பதன் ஊடாக இன்றுவரை தமிழரசு கட்சியானது தாம் கடைப் பிடித்து வரும் சில அரசியல் நடவடிக் கைகள் மீதான கேள்விகளை தமக்குள் ளேயே எழுப்பியிரு க்கின்றது.அதாவது இலங்கையின் ஒற்றையாட்சி முறையையும் ஒருமைப் பாட்டையும் இறைமையையும் பாது காக்கும் பொருட்டு இயங்குகின்ற பாராளுமன்றத்தை இனிமேல் ஏற்று கொள்ள முடியாது.அதேபோல அதிகார பகிர்வுக்கு மாற்றான அதிகார பரவலாக்க முறையை முன்மொ ழிகின்ற  மாகாண சபையை இனிமேல் நிராகரிக்க வேண்டும். ஒற்றையா ட்சியின் கீழ் இயங்குகின்ற அமைச்சுக்களால் கட்டுபடு த்தப்படும் உள்ளுராட்சி சபைகள் அதாவது பிரதேச சபைகளை குப்பை தொட்டிக ளுக்குள் வீசப்பட வேண்டியவை. என்கின்ற முடிவுகளை நோக்கி தமிழரசு கட்சி மாநாட்டு தீர்மானங்கள் மக்களிடம் விரிகின்றன. இவைபற்றியெல்லாம் இனி மீளாய்வு செய்வதற்கு காலமும் போதாது.எண்ணி எண்பது நாட்களே மீதமுண்டு.ஆகவே தமிழ் மக்களின் பெயரால் அவர்களின் ஆணையின் பெயரால் பதவி சுகம் அனுபவிக்கின்ற பிரதேச சபை உறுப்பினர்களே! மாகாணசபை உறுப்பினர்களே! வடமாகாண அமைச்சர் களே முதலமைச்சர் சாட்சாத் விக்கிய வர்களே! பாராளுமன்ற உறுப்பினர்களே! உங்களனைவருக்கும் ஐயோ கேடு. இதுவரை நீங்கள் பாக்கியவான்களாக இருந்தீர்கள்.ஆனால் இப்போது போரா ட்டம் வெடிக்க காத்திருக்கிறது. இலங்கையின் ஒற்றை ஆட்சியை பாதுகாப்போம் என்று நீங்கள் செய்த சத்திய பிரமாணங்கள் அனைத்தையும் நீங்களே நிராகரிக்கும் காலம் நெருங்கி வருகின்றது. உங்கள் இராஜினாமா கடிதங்களை தயார் செய்யுங்கள்.மறந்துவிடவேண்டாம். எண்ணி இன்னும் எண்பதுநாட்களே மீதமுண்டு.        மட்டுநகரிலிருந்து எழுகதிரோன்                                                                                                

வைக்கோல் பட்டடை நாய் போன்று தாங்களும் செய்யாமல், அரசையும் செய்ய விடாமல் வடக்கு மாகாண அரசு தடுப்பதாக குற்றம்;மஹிந்த ராஜபக்ஷ

samedi 11 octobre 2014

தமிழிசை என்ற மாயக் கயிற்றால் தமிழகத்தைக் கட்டிப்போட்டவர் கே.பி.எஸ்.

kps_2149249h
கே.பி.எஸ். பிறந்த நாள்: 11.10.1908 இந்திய அளவில் நடிப்புக்காக ஒரு லட்சம் ரூபாய் சம்பளத்தை முதன்முதலில் பெற்ற நடிகை; இந்தியாவிலேயே முதன்முதலாக சட்டமன்ற மேலவைக்குத் தேர்ந்தெடுக்கப்பட்ட நடிகை கே.பி.சுந்தராம்பாள்தான்; காந்தியடிகளே நேரில் வந்து தேசச் சேவைக்குப் பாடுபட வேண்டும் என்று கேட்டுக்கொண்ட ஒரே நடிகை கே.பி.எஸ்தான்; தமிழ்நாட்டில் அதிக அளவு இசைத்தட்டு விற்றதும் கே.பி.எஸ். பாடிய பாடல்களுக்குத்தான்.
இப்படி எத்தனையோ சாதனைகளைச் செய்தவர் கொடுமுடி கோகிலம் கே.பி.சுந்தராம்பாள். நாடக உலகில் ஆண்களுக்கு இணையாகப் பாடி, நடித்துப் பலரை மேடையை விட்டே விரட்டியவர் அவர். “15 வயதுக்குள்ளாகவே சுந்தராம்பாள் ‘அயன் ஸ்திரிபார்ட்’ பதவிக்கு வந்துவிட்டாராம். இது ஆச்சரியம்தான். நாடக மேடையில் இத்தகைய ‘பிரமோஷன்’ யாருக்குமே இருந்ததில்லை” என்கிறார் வ.ரா.
கந்தர்வ கான செங்கோட்டை இசைச் சிங்கம் கிட்டப்பாவை அந்தக் காலத்திலேயே சாதிமறுப்புத் திருமணம் செய்துகொண்டவர். இவர்கள் இருவரும் தமிழ்கூறு நல்லுலகம் முழுவதும் சென்று தமிழ் நாடகத்தை உயிர் பெறச் செய்தார்கள்.
ஈடுஜோடு இல்லாத பெருமை
“இவருடைய பெயர் தமிழ்நாடெங்கும் பரவச் செய்தது, இவர்களுடைய அபாரமான சங்கீதக் கலையே. நல்ல ராக-தாள ஞானமுடையவர். நான் கண்ட அளவில் இவர்களுடைய சங்கீதத்தில் ஈடுஜோடு இல்லாத பெருமை இவர்கள் பக்கவாத்தியம் இல்லாமலேயே மிகவும் இனிமையாகப் பாடும் திறமையாம். அநேக சங்கீத வித்வான்கள் பக்கவாத்தியத்தோடு பாடுவது ஒரு மாதிரியாக இருக்கும். பக்கவாத்தியம் இல்லாமல் பாடுவது வேறு மாதிரியாக இருக்கும். இவரது பாட்டில் அப்படி இல்லை. பக்கவாத்தியங்கள் இல்லாமல் பாடினாலும் மிகவும் காதுக்கு இனிமையாக இருக்கும். இது ஒரு அரிய குணம்” என்கிறார் நாடகத் தந்தை பம்மல் சம்பந்த முதலியார்.
கச்சேரிகளில் கே.பி.எஸ். பாடி மக்களிடம் வரவேற்பு பெற்ற பல பாடல்கள், பின்னர் இவர் நடித்த நந்தனார், மணிமேகலை, ஒளவையார், திருவிளையாடல், கந்தன் கருணை, முதலிய படங்களில் பயன்படுத்தப்பட்டன. மேலே கண்ட படங்களைத் தவிர, மகாகவி காளிதாஸ், பூம்புகார், உயிர் மேல் ஆசை, துணைவன், காரைக்கால் அம்மையார், சக்திலீலை, திருமலை தென்குமரி முதலிய விரல் விட்டு எண்ணக்கூடிய படங்களில்தான் நடித்தார். நாடக நடிப்பும் பாட்டும், தேச விடுதலைக்காக கே.பி.எஸ். பாடிய பாடல்களும்தான் அவரை மக்கள் மத்தியில் கொண்டுசென்றது.
கே.பி.சுந்தராம்பாளுக்குக் கிடைத்த குரல் ஒரு வரப்பிரசாதம். இது போன்ற ஒரு குரல் தமிழக இசை வரலாற்றில் யாருக்கும் கிடையாது. பாடும் வல்லமையை அவர் தனக்குத் தானே வளர்த்துக்கொண்டார். விருத்தங் களை ராகமாலிகைகளில் பாடிப் புகழ் பெற்றவர் திருச்செந்தூர் சண்முகவடிவு. அவரிடமிருந்தே இம்முறையை கே.பி.எஸ். கற்றார்.
நாலரைக் கட்டை ஸ்ருதி
கே.பி.எஸ். நாலரைக் கட்டை ஸ்ருதியில் பாடுவது வழக்கம். உச்சஸ்தாயியில் பாடலின் சிறப்பான வார்த்தைக்கு அழுத்தம் கொடுத்து, ஒரு அசக்கு அசக்குவது இவர் பாணி. அப்படி அசக்குவதிலேயே பிருகாக்கள் வெடிக்கும். பொதுவாக, பாடகர்கள் மெல்ல மெல்ல முயன்று உச்சஸ்தாயியில் நிலைகொள் வார்கள். இவரோ எடுத்த எடுப்பிலேயே அந்த இடத்துக்குச் சென்றுவிடுவார். இதற்குக் காரணம், நாடக மேடைதான். ஒலிபெருக்கி இல்லாத அந்தக் காலத்தில், நாடகத்துக்கு வந்திருக்கும் கடைசிப் பார்வையாளருக்கும் கேட்க வேண்டும் என்கிற சூழல். அதனால்தான் நாடகப் பாடகர்கள் பைரவி, கேதாரம், காம்போதி முதலிய ராகங்களை எடுத்துக்கொள்வார்கள். அவை உரத்து, நாடகத்தின் இயல்பைப் பார்வையாளனுக்குத் தொற்ற வைக்கும். “கே.பி.எஸ். அந்தக் காலத்தில் கும்பகோணத்தில் நாடகத்தில் பாடியதைக் கேட்டிருக்கிறேன். ஒரு மைல் தூரம் கேட்கும்” என்கிறார் நடிகர் சாரங்கபாணி.
பழைய நாடகப் பாடல்களை இன்று கேட்கும்போது, என்ன வார்த்தை என்பதே புரியாது. கே.பி.எஸ். பாடலில் மட்டும்தான் சொல் சுத்தம், பொருள் தெரிந்து பாடும் அழகைக் கேட்க முடிகிறது. பாட்டுக்குக் காலப்பிரமாணம் முக்கியம். அது கே.பி.எஸ்ஸுக்குக் கைவந்த கலையாக இருந்தது.
குடம்குடமாகச் சொல் மகுடங்கள்
“இசையரங்குகளில் மரபாக முதலில் வர்ணம் பாட வேண்டும். ஆனால், வர்ணத்தைப் பாடாமல், அதற்கு நிகராக வர்ணத்தில் உள்ள பண்சுவை மிக்க இசைச் சுர அமைப்புகளையும் ‘ததிங்கிணத்தோம்’ வைக்கும் தாள முத்தாய்ப்பு அமைப்புகளையும் இனிய செந்தமிழ்ச் சொல் மகுடங்களாகவே அமைத்துக் காட்டி மகிழ்ச்சியூட்டுவார். இது போன்றே கற்பனைச் சுரங்கள் பாடுமிடத்திலே சொல்மகுடங்களைக் குடம் குடமாகப் பொழிந்து, துள்ளல் இசையைத் துய்க்கச் செய்வார்” என்று வி.ப.க. சுந்தரம் கே.பி.எஸ்ஸைப் பற்றிச் சொல்வார்.
அகர, இகர, உகர ஒலிகள் மூலமாகப் புதுப் படைப்புக் கோவைகள் போன்ற அமைப்பைக் காட்டிக் களிப்பூட்டுவார். ‘ஞானப்பழத்தைப் பிழிந்து’ என்கிற போது ‘ஞா’வை நீட்டிப் பாடுவதையும் ரசம் என்று பாடும்போது நீட்டாமல் குறுக்கிப் பாடுவதையும் கேட்டுப்பார்த்தால்தான் அதன் சுவை தெரியும்.
800 பாடல்கள்
இதுபோல் கே.பி.எஸ். சுரம் பாடி அழகு சேர்த்த பாடல்கள் வரிசையில் இந்தப் பாடல்களையும் சொல்லலாம்: ‘மனக்குறை ஏது முருகா?’, ‘தத்துவம் என்ன சொல்லுவாய்?’, ‘தனித்திருந்து வாழும் மெய்த் தவமணியே’, ‘ஆடிக்கொண்டார் அந்த வேடிக்கை காண’. இந்தப் பாடல்களில் பழைய காலப் பாடும் முறையை கே.பி.எஸ். அழகாகப் பதிவுசெய்திருக்கிறார். விருத்தத்தின் அழகையும் பாடும் முறையையும் சங்கரதாஸ் சுவாமிகள் பாடல்கள், திருச்செந்தூர் பிள்ளைத் தமிழ், சுப்பிரமணிய பதிகம், முதலியவற்றின் பாடல்களில் ரசிக்கலாம். பல பாடல்களை கே.பி.எஸ். தானே இயற்றியும் பாடியிருக்கிறார். கிட்டத்தட்ட 800 பாடல்கள் கைவரப்பெற்றிருந்தார். இசைத்தட்டுக்களில் இதுவரை 250 பாடல்கள் கிடைத்துள்ளன.
கே.பி.எஸ். இசை நிகழ்ச்சி குறைந்தது 6 மணி நேரம் நடக்கும். தஞ்சை, கும்பகோணம், சிதம்பரம், முதலிய ஊர்களில் பாடும்போது மட்டும் ராகம், தாளம், பல்லவி, ஆலாபனை, லய விந்நியாசம் எல்லாம் முடிந்த பின்னர்தான் திரைப்படப் பாடல்களுக்கு வருவார். கச்சேரியில் மற்றவர்கள் பாடாத ராகங்களை எடுத்து வைத்துக்கொண்டு, அந்த ராகங்களுக்கு அழகைக் கொடுத்துக் கச்சேரியைக் களைகட்டச் செய்வார்.
இசை இலக்கணம் தெரிந்தவர்தான் அதை ரசிக்க முடியும் என்பதை மாற்றி, இலக்கணம் தெரியாதவர் களையும் இசையைச் சுவைக்க வழிசெய்தவர் கே.பி.எஸ்-தான். ஒரு பாடலைக் கேட்டுவிட்டு, அடுத்த பாடலைக் கேட்காமல் சென்ற ரசிகர் யாருமே கிடையாது. கச்சேரி முடியும் வரை தமிழிசை என்ற மாயக் கயிற்றுக்குள் கட்டிப் போட்டுவிடுவார். எனவே, தமிழின் உச்சஸ்தாயி என்றுதான் கே.பி.எஸ்ஸைச் சொல்ல வேண்டும்.